|
Getting your Trinity Audio player ready...
|
Mo sitwayen an la lontan, depi nan Grès antik mo sa ap itilize. Nan Ròm antik Tit sa pa te konn atribiye ak tout moun, se te moun ki te konn peye enpo yo te rele sitwayen. Si ou pa ka peye enpo ou pa sitwayen, ou pap ka vote tou, ou pap ka fè komès tou. Poum site sa yo sèlman.
Jodia ankò, gen yon ansanm kritè ki dwe reyini pou yon moun ka sitwayen.
Pou konstitisyon ayisyèn nan depi ou gen dwa sivil ak politik ou se sitwayen. Atik 16 nan konstitisyon an.
Selon deklarasyon amerikèn dwa ak devwa moun ki te adopte Bogota nan peyi kolonbi nan âne 1948. Map raple nou ayiti siyen deklarasyon sa.
Pou ou sitwayen se pa sèlman kontantew ap jwi yon ansanm dwa, men tou Fòk ou ranpli yon ansanm devwa nan sosyete a.
Tankou :
- Devwa Timoun yo ak Paran yo
- Devwa pou ou enstri
- Devwa pou ou obeyi a sa la Lwa di
- Devwa pou ou peye enpo
- Devwa pou ou pa nan politik peyi etranje
Tout bon sitwayen ou tout sitwayen konsekan ap gn yon bon doz sou konsyans sitwayèn sa kap pèmèt sosyete a byen fonksyone.
Nou dwe sitwayen ki vijilan ;
Yon sitwayen vijilan ap otomatikman yon politisyen vijilan kap vize byen pou tout moun, lap chèche enterè patri a avan, lap konnen depi lap chèche enterè patri a lap tou jwenn enterè li. Lap onèt, lap kredib, lap yon patriyòt epi tou lap toujou vle fè fyète ak glwa patri li.
Ke chak ayisyen ki fèt aprè 1986 devni yon sitwayen ayisyen konsekan pou sove Ayiti !
Se te zanmiw, sèvitèw Me Gérard NOËL, Av.
