|
Getting your Trinity Audio player ready...
|
NPCS :
Nu-Productions & Compagnie Sportif
Se yon lekòl foutbòl ki te fonde nan dat 19 jen 2024 nan Gonayiv. Objektif lekòl la se ede timoun ak jèn yo reyalize rèv yo nan domèn espò, espesyalman foutbòl, men tou nan lòt disiplin tankou baskètbòl, tenis, elatriye.
Pou reyalize pwojè sa a, nou bezwen yon kawo tè pou nou devlope espas pou aktivite nou yo. N ap reflechi e travay di pou fè rèv sa tounen yon reyalite.
Nou kwè nan efò nou nan kominote a, epi nou envite tout moun ki gen menm vizyon ak volonte tankou nou pou vin rejwenn ekip la san pèdi tan. Mèsi pou sipò w yo!
Nou akeyi jèn gason ak fi ki gen laj ant 11 zan rive 30 zan ki vle vin jwè pwofesyonèl. Men, nou pa bliye ti moun ki pi piti yo, paske chak jou yo mande plas yo pandan y ap gade lòt yo antrene. Nou ap travay pou jwenn espas pou yo tou.
Pandan 31 ane pou rive 50 ane k ap vini yo, lekòl la ap kontinye fonksyone ak yon espas ouvè pou tout moun ki vle aprann. Depi ou gen volonte ak pasyon pou espò, n ap ede w rive pi lwen.
Nou gen yon ekip pwofesyonèl ki panse e ki travay chak jou pou reyalize objektif lekòl la, anba direksyon Mèt Edens Liberus, ki se yon moun devwe e responsab.
Nou genyen yon klèb ki rele Le Bélier Football Club, ki gen plizyè inite. Chak inite genyen jwè ant 11 zan ak 26 zan. Lè jwè yo rive nan nivo pèfòmans nou bezwen an, nou fòme ekip konpetitif pou reprezante chak kategori.
Byento, lekòl la ap mete sou pye yon espas espesyal pou ti fi yo. Nou vle ede devlope talan fi yo nan espò, paske espò se yon dwa pou tout moun. Pa gen ni gason ni fi ki dwe kite espò sou kote nan lavi yo.
