|
Getting your Trinity Audio player ready...
|
BSAP Seyon brigad ki sou kontwòl ministè anviwonman ki gen pou misyon kontwole ou fè obstak a tout moun ki ta deside polye anviwonman an. Malerezman, sitou nan depatman Nò ak Nòdès, seyon veritab milis ki fè e defè, menase moun yo vle, bat moun yo vle sitou si moun sa pap pale pawòl pouvwa anplas la.
Nan batay pou mete baboukèt nan bouch laprès la, swit a yon emisyon sou Radio Wanavizyon kote yon Jounalis ki rele Jean Rony AUGUSTIN fin pale de revandikasyon yon seri de ajan andedan menm kò sa nan Wanament kap denonse responsab BSAP nan Nòdès yo kap fè yo monte mòn pa do nan yon kesyon peye detanzantan pou renouvle badj plis toujou genyon bann lòt kob yo kontinye pran nan men yo aloske yo pa touche, ebyen sa pat pran tan pou Jounalis la te resevwa apèl Julien ABEL alyas Joule kise Direktè BSAP Nòdès kotel te fèl anpil menas e menm mandel mete pantalon sou tay li paske lap rive sou li an bourik tou ranni, si nou vle rezime menas responsab Kò paramilè a nan yon voice kote l’ap fè menas sou jounalis la.
Eske malgre dispozisyon Konstitisyonèl yo plis Konvansyon Ayiti siyen e ratifye pou respekte ak garanti libète laprès ap kontinye pase anba pye ? Eske nou ka konkli poun di gouvènman sa atravè BSAP deside mete baboukèt nan bouch laprès ? Antouka annatandan ke swivi yo fèt, nou vle alète opinyon piblik la ke Konfrè Jean Rony AUGUSTIN de Radio Wanavizyon nan gwo difikilte nan Wanament.
Kerline DORVAL
Pr sure-info.com
