|
Getting your Trinity Audio player ready...
|
M’ ta vle ale Kwadèboukè, men lanmò ap vale teren chak jou. M’ ta vle mete tèt Kwadèmisyon, men gen chen mechan ki bare mwen. Si m’ te ka mache, m’ t’ ap rive nan Nò, men gwo lògèy Jeff fè l di fwontyè a pa gen travèse. Gen lòt ki di G9 pasifye peyi a, men tout sa moun wè, se dechèpiye. Pèp la gen je li, wi, men tout bagay anba kontwòl gwo palto. Wout Nò a pa bon pou mwen, m’ t’ ap met tèt mwen nan Sid, men madan profèt fè konnen teritwa yo pèdi.
Viv ansanm tounen viv ansann. Nan mitan popilasyon an, y’ap boule lavi. Chak jou, anba je leta ki fè nwa, yon lòt zòn vid moun k’ap kite.
Kisa k’ap fèt? Kisa ki dwe fèt? Tanpri, ede m’ poze mesye dam leta yo kesyon sa yo.
Davidson Joseph
