POU KISA NAP PALE MENM PAWÒL MEN NOU PA KA METE NOU ANSANM POUN SIYEN YON SÈL TÈKS , POU KISA NAP CHANTE MENM CHAN EPI NOU PA VLE AKÒDE ENSTRIMAN YO POUN GEN YON SÈL AMONI
JODIA POU KISA NOU NAN MENM LAKOU NOU PA KA MET ANSANM POUN PRAN SWEN LI ; TANDISKE ANBA JE PAM PI BON VAN DIVIZYON PÈP LA AP CHANTE YON CHAN MIZÈ ENSEKIRITE KI FÈL DANSE YON DANS KIDNAPIN KI FÈ NOU MACHE SOU PWENT PYE , DANS SA FÈ NOU WÈ AKLÈ KE TOUT MOUN AP PALE YON SÈL PAWÒL AK YON BAK DEZESPWA , YON LAYE LENKONSYAN ANNDAN YON MACHIN SAN CHOFÈ SOU ROUT PLEN FALÈZ OU BYEN YON BATO NAN LANMÈ KI SAN GOUVÈNAY PANDAN VAN DIVIZYON AP SOUFLE , CHIRE VWÈL BATO NOU KI DEJA ANTOURE AK PLIZYÈ REKEN OU BYEN YON JENG KI GEN TOUT BÈT KOTE PÈSONN PA EPANYE ANBA BÈT FERÒS.
MEZANMI,
KISA NAP FÈ ? KISA NOU VLE ? KI KOTE NOU PRALE ?
LÈ NOU TOUT KONSYAN DE PWOBLÈM PEYIA GENYEN JODIA VRE , NAP KONPRANN PWOBLÈM SA KI GEN LA SE PA PWOBLÈM YON GRENN MOUN MEN SE PWOBLÈM NOU TOUT AYISYEN KI RETE ATACHE AK AYITI LI ENPOTAN POUN FÈ YON SÈL ; KONT PWOBLÈM SAN FEN SAA KI ANVAYI PEYI NOU AN .
JODIA FÒK NOU KONPRANN KE NOU GEN OBLIGASYON POUN FÈ YON SÈL . WI MW KONNEN KE ANPIL NAN NOU TOUJOU AP DI NOU PA KOUPAB , MEN PWOBLÈM NAN VREMAN KONSÈNE NOU TOUT E NOU TOUT OKOURAN BYEN MENM JAN AVÈK MW DE SA KAP PASE NAN TOUT KÒ PEYIA NI NAN NIVO ENSEKIRITE PWOGRAME A METE AYITI CHERI NOU AN , KI SE SÈL BYEN KOMEN NOU GENYEN KE ZANSÈT YO TE REDI GOUMEN KITE POU NOU AN TONBE . MW PANSE JODIA MOMAN SA A LI PA LÒT KE MOMAN POUN PRAN KONSYANS , REVOLTE EPI WÈ NESESITE AK OBLIGASYON POUN MELANJE FÒS NOU KONT FÒS FÈ NWA YO .MW SWETE FÒS KONSYANS PAPA DESALIN LAN RIVE SOU NOU POU KE LI PÈMÈT KONPREYANSYON NOU TOUT REVOLTE KONSYANS NOU TANKOU SA TE FÈT NAN TAN PASE YO.
LÈ SA NAP RASANBLE KÒM MOUN KI SANBLE KAP PALE MENM PAWÒL , MENM LANGAJ KAP CHANTE MENM CHANSON KI ANGAJE SOU CHEMEN LA KONSYANS CHANJMAN AN KOTE NOU AP INI’N TOUT BON VRE BÒ YON TAB DELIVRANS KAP SÈVI TOUT PITIT AYITI SAN DISTENKSYON JISKASKE NOU METE »N DAKÒ YONN AK LÒT SOU BON JAN RAY DEVLOPMAN NOU BEZWEN AN…
Sociologue: Réginald DUMÉ
CHALLENGER POPULAIRE .
Sponsors
Boul’Or, une société d’investissement et de restauration.
Pour plus infos 👉🏾 +509 3744 7949 / https://wa.me/qr/APM6Z3BDHSYRC1
