|
Getting your Trinity Audio player ready...
|
AYITI/DOSYE LIBERASYON/ 26-03-21.
15 moun jwenn liberasyon yo ayè vandredi 26 mas 2021’an,sou desizyon Lakou dapèl te pran sou arè 3 manm lakou li yo nan dat mèkredi 24 mas pase’a .
Arè sa kite prezante Pa Prezidan koudapèl la Mèt Yves Altidor, kite te fè referans ak atik 24-2 konstitisyon’an pou montre arestasyon nan lannwit 7 Fevriye 2021’an Sete yon arestasyon ilegal e abitrè.
Li te ale pilwen pou’l fè konnen Pat genyen ni manda, ni flagran deli pou sitwayen te rive rantre nan prizon.
Mèt Altidor, te kontinye pou’l di nan arè’ a, konstitisyon’an e lalwa esplike apati de kilè akilè yo dwe arete yon sitwayen.
Pou fèw sonje ,15 moun sa yo te fè pati moun kite arete nan lannwit 7 fevriye pase’a, nan abitasyon petibwa nan komi’n Taba, sou fòm yo tap manniganse koudeta kont prezidan repiblik’la Jovenel Moïse, pandan atik 134-2 konstitisyon 29 mas 1987 amande’a dil la,manda’l rive nan bout li.
Nan arestasyon sa’a te genyen: jij lakou kasasyon’an, mèt Yvikel Dabrézil, ki tapral lage kèlke jou aprè,te pase yon move moman ak iwonizasyon nan men ajan delòd palè Nasyonal yo.
Nan menm dat sa’a, bonè nan maten prezidan Jovenel ak Madanm li,Martine Moïse,tap pral pran direksyon ayòpò Tousen Louvèti, pou te rann yo nan depatman sidès peyi’a, kidonk Jakmèl pou al lanse kanaval e danse kanaval.
Jn Claude Kervens
