Maladi Tibèkiloz

An Ayiti, maladi sa pote plizyè non: maladi pwatrinen, maladi ti kray, maladi san fanmi, maladi tousé ect…

Gen moun ki pa konnen ki konn Di se mò yo voye sou Moun ki genyen tibèkiloz. M’en alaverite se Yon mikwob ki bay maladi sa.
🔹ki bò li atake w?
Li atake Moun nan zo, nan sèvo ou, nan trip ou, men li sitou chita nan poumon kote li fè anpil ravaj.
🔷kijan Yon Moun ka pran maladi sa?
Se Yon Moun ki déjà gen maladi a ki kapab transmèt li bay Yon lot Moun lè li ap tousé, lè la estènen oubyen krache atè. Mikrob yo soti nan krache a, épi gaye nan lè a oubyen melanje ansanm avèk pousyè a. Lè Yon Moun respire, mikwob yo kapab tou rantre nan poumon li.

🔷Men kèk siy ki ka fè ou sispèk Yon Moun atake maladi tibèkiloz.
– Li gen Yon tous ki pa janm pase menm si li pran remèd grippe
– Lap depafini de jou an jou
– Li gen Yon ti lafyèv tanzantan sitou lè après midi
– Li konn fè w krache san tou, lè maladi a gentan pran pye sou ou.

🔷Eske genyen trètman pou tibèkiloz?
Maladi tibèkiloz grave, men li genyen trètman. Gen bon medikaman nan tout dispansè yo pou trete maladi sa , Yon Moun ki ap swiv trètman tibèkiloz dwe toujou swiv odonans medsin si li kanpe nan wout trètman an ap Rabi, se gwo menas ni pou Moun nan an tout Moun ki ap viv bò kote li, se pou li pran tout medikaman yo pou jouk medsin an deklare li geri.
NB: si ou genyen tibèkiloz ou pa ale lopital li ap vinn grave sou ou jouk li tué ou.